Аан дойду урдунэн бэлиэтэнэр бырааhынньыгы - Учуутал кунун биhиги оскуолабытыгар уерэнээччилэр э5эрдэ хаhыат таhаарыытынан са5алаатылар. Бары кылаастар истиэнэ хаhыата таhааран бу бырааhынньык са5аланна. Маны таhынан «Ньурбачаан кэскилэ» хаhыаппыт бу уерэх дьылыгар бастакы №-рэ та5ыста. Оскуола оло5ун сырдатар сонуннар, юбилейдаах учууталга аналлаах балаhа, хаhыат ис хоhоонун туhунан уерэнээччилэр бэйэлэрэ толкуйдаан учууталларга бэлэх ууннулар.
Учуутал Кунун «Смайл» о5о тэрилтэтэ интэриэhинэйдик толкуйдаан, урукку сыллартан уратытык ыытта. Ол курдук, алтынньы ый 4 кунугэр оскуолабытыгар бэйэни салайыныы кунэ буолла. Манна урдуку кылаас уерэнээччилэрэ 10 - 11 кылаастар учуутал оруолун толордулар, оттон учууталлар бука бары уерэнээччи буоллулар.
Бу тэрээhини о5олор бэйэлэрэ эрдэттэн бэлэмнэнэн, уруоктарга эрдэттэн бэриллибит тиэмэлэргэ уруок бэлэмнээн сурдээх учугэй уруоктары ыыттылар.
Оскуола директорынан о5олор бэйэлэр Кузьмина Мичийэни (11 кыл.), уерэх завуhунан Семенова Ленаны (11 кыл.), иитэр улэ5э завуhунан Иванова Харитинаны (11 кыл.) талбыттара. Бары оскуола о5олоро бу кун 4-туу уруокка уерэммиттэрэ, буфекка минньигэс аhылыгынан – о5олор бэйэлэрэ астаабыт салааттара буолла. Буфекка 10 кылаастан 2 кыыс ас астаата.
Кунус 3 чаастан о5олор бэйэлэрин куустэринэн учууталларга аналлаах концерт кердердулэр. Бары кылаастар учууталлары, кылаас салайааччыларын, ветеран учууталлары э5эрдэлээтилэр, открытка, бэлэх, сибэкки туттардылар.
Киэhээнни ертугэр учууталларга аналлаах сынньалан киэhэтэ буолла, манна урукку сылларга улэлэээбит ветеран Учууталлар кэлэн кыттыыны ыллылар.